logo

header-ad
header-ad

గుడ్ న్యూస్.. ఈ వివో ఫోన్లపై ధర తగ్గింపు..

ప్రముఖ స్మార్ట్ ఫోన్ బ్రాండ్ వివో తన వై50, ఎస్1 ప్రో స్మార్ట్ ఫోన్లపై ధర తగ్గింపును అందించారు. ఈ ఫోన్లు ఇప్పటికే తగ్గిన ధరకే అందుబాటులో ఉన్నాయి.

Vivo S1 Pro

వివో వై50, ఎస్1 ప్రో స్మార్ట్ ఫోన్లపై మనదేశంలో ధర తగ్గింపును అందించారు. ఈ రెండు ఫోన్లపై రూ.1,000 ధర తగ్గింపును అందించారు. ఈ ఫోన్లు ఇప్పుడు తగ్గిన ధరతోనే అధికారిక వెబ్ సైట్, అమెజాన్, ఫ్లిప్ కార్ట్‌ల్లో అందుబాటులో ఉన్నాయి. ఆఫ్ లైన్‌లో కూడా ఇవి తగ్గిన ధరలకే అందుబాటులో ఉన్నాయి. వీటిలో వివో వై50 జూన్‌లో లాంచ్ కాగా, వివో ఎస్1 ప్రో జనవరిలో లాంచ్ అయింది.

వివో వై50 ధర

ఇందులో కేవలం 8 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. దీని ధరను రూ.17,990గా నిర్ణయించారు. ఇప్పుడు దీని ధరను రూ.1,000 తగ్గించి రూ.16,990కే విక్రయిస్తున్నారు. ఐరిస్ బ్లూ, పెరల్ వైట్ రంగుల్లో ఈ ఫోన్ అందుబాటులో ఉంది.

వివో ఎస్1 ప్రో ధర

వివో ఎస్1 ప్రో కూడా కేవలం 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.19,990 నుంచి రూ.18,990కు తగ్గింది. మిస్టిక్ బ్లాక్, డేజీ బ్లూ, డ్రీమీ వైట్ రంగుల్లో ఈ ఫోన్ కొనుగోలు చేయవచ్చు. ఈ ఫోన్ అమెజాన్, ఫ్లిప్ కార్ట్, ఇతర ఆఫ్ లైన్ రిటైల్ స్టోర్లలో, వివో ఆన్ లైన్ స్టోర్ లో కూడా ఉంది.

వివో వై50 స్పెసిఫికేషన్లు

వివో వై50 స్మార్ట్ ఫోన్ లో 6.53 అంగుళాల ఫుల్ హెచ్ డీ+ డిస్ ప్లేను అందించారు. పంచ్ హోల్ డిజైన్ తో ఈ స్మార్ట్ ఫోన్ లాంచ్ కానుంది. స్క్రీన్ టు బాడీ రేషియో 90.7 శాతంగా ఉంది. వెనకభాగంలో ఫింగర్ ప్రింట్ సెన్సార్ ను అందించారు. క్వాల్ కాం స్నాప్ డ్రాగన్ 665 ప్రాసెసర్ పై ఈ ఫోన్ పనిచేయనుంది.

ఇక కెమెరాల విషయానికి వస్తే.. ఇందులో వెనకవైపు నాలుగు కెమెరాలను అందించారు. వీటిలో ప్రధాన కెమెరా సామర్థ్యం 13 మెగా పిక్సెల్ కాగా, 8 మెగా పిక్సెల్ వైడ్ యాంగిల్ కెమెరా, 2 మెగా పిక్సెల్ పొర్ ట్రెయిట్ షూటర్, 2 మెగాపిక్సెల్ మాక్రో కెమెరాలను కూడా ఇందులో అందించారు. సెల్ఫీ ప్రియుల కోసం ముందువైపు హోల్ పంచ్ లో 16 మెగా పిక్సెల్ సెల్ఫీ కెమెరాను అందించారు. ఇందులో 5000 ఎంఏహెచ్ బ్యాటరీని అందించారు. 18W ఫాస్ట్ చార్జింగ్ ను కూడా సపోర్ట్ చేస్తుంది.

వివో ఎస్1 ప్రో స్పెసిఫికేషన్లు

ఇందులో 6.38 అంగుళాల ఫుల్ హెచ్ డీ+ సూపర్ అమోఎల్ఈడీ డిస్ ప్లేను అందించారు. డిస్ ప్లే యాస్పెక్ట్ రేషియో 19.5:9గా ఉంది. క్వాల్ కాం స్నాప్ డ్రాగన్ 665 ప్రాసెసర్ ను ఈ ఫోన్ లో అందించారు. దీంతోపాటు 8 జీబీ ర్యామ్ కూడా ఇందులో ఉంది. స్టోరేజ్ సామర్థ్యం 128 జీబీగా ఉంది. దీన్ని 256 జీబీ వరకు పెంచుకోవచ్చు.

ఈ స్మార్ట్ ఫోన్ లో వెనకవైపు నాలుగు కెమెరాలను అందించారు. ఇందులో ప్రధాన కెమెరా సామర్థ్యం 48 మెగా పిక్సెల్ కాగా, 8 మెగా పిక్సెల్ వైడ్ యాంగిల్ సెన్సార్, 2 మెగా పిక్సెల్ సామర్థ్యమున్న మాక్రో లెన్స్, 2 మెగా పిక్సెల్ సామర్థ్యమున్న సెన్సార్లు కూడా అందించారు. సెల్ఫీ ప్రియుల కోసం ముందువైపు 32 మెగా పిక్సెల్ కెమెరా ఉంది.

ఇందులో ఇన్ డిస్ ప్లే ఫింగర్ ప్రింట్ సెన్సార్ ఫీచర్ కూడా ఉంది. 4,500 సామర్థ్యమున్న బ్యాటరీని ఇందులో అందించారు. 18W ఫాస్ట్ చార్జింగ్ ను ఈ స్మార్ట్ ఫోన్ సపోర్ట్ చేస్తుంది. కనెక్టివిటీ విషయానికి వస్తే.. 4జీ వోల్టే, వైఫై(డ్యూయల్ బ్యాండ్), జీపీఎస్/ఏ-జీపీఎస్, బ్లూటూత్ 5.0, గ్లోనాస్, బైదు వంటి ఫీచర్లు ఉన్నాయి. ఈ స్మార్ట్ ఫోన్ 15.92 సెంటీమీటర్ల పొడవు, 7.51 సెంటీమీటర్ల వెడల్పు, 0.86 సెంటీమీటర్ల మందంగా ఉంది. ఈ ఫోన్ బరువు 186.7 గ్రాములు.

Source: https://telugu.samayam.com/tech/news/vivo-s1-pro-and-y50-got-price-cut-of-rs-1000-details/articleshow/78129325.cms

Leave Your Comment