logo

header-ad
header-ad

టెక్నో స్పార్క్ 6 వచ్చేసింది..

చైనాకు చెందిన స్మార్ట్ ఫోన్ బ్రాండ్ టెక్నో కొత్త స్మార్ట్ ఫోన్ టెక్నో స్పార్క్ 6ను లాంచ్ చేసింది. దీనికి సంబంధించిన వివరాలు ఇవే.

Tecno Spark 6

వెనకవైపు నాలుగు కెమెరాలు

మొదటగా పాకిస్తాన్‌లో లాంచ్

త్వరలో మనదేశంలో లాంచ్ అయ్యే అవకాశం

టెక్నో స్పార్క్ 6 స్మార్ట్ ఫోన్ లాంచ్ అయింది. ఇందులో మీడియాటెక్ హీలియో జీ70 ప్రాసెసర్‌ను అందించారు. వెనకవైపు నాలుగు కెమెరాలు అందుబాటులో ఉన్నాయి. హోల్ పంచ్ డిస్ ప్లేను ఇందులో అందించారు. నాలుగు రంగుల్లో ఈ ఫోన్ లాంచ్ అయింది. దీంతోపాటు ఈ ఫోన్ ఆర్టిఫిషియల్ ఇంటెలిజెన్స్(ఏఐ) కెమెరా ఫీచర్లను కూడా కలిగి ఉంది. టెక్నో స్పార్క్ 6 ఎయిర్, టెక్నో స్పార్క్ పవర్ 2 ఎయిర్ స్మార్ట్ ఫోన్లను మనదేశంలో ఈ మధ్యే లాంచ్ చేసింది.

టెక్నో స్పార్క్ 6 ధర

ఈ ఫోన్ మొదటగా పాకిస్తాన్‌లో లాంచ్ అయింది. 4 జీబీ ర్యామ్ + 64 జీబీ స్టోరేజ్‌తో లాంచ్ అయిన ఈ స్మార్ట్ ఫోన్ ధరను 20,599 పాకిస్తాన్ రూపాయలుగా(సుమారు రూ.9,200) నిర్ణయించారు. కామెట్ బ్లాక్, డైనమిక్ ఆరెంజ్, మిస్టీ వయొలెట్, ఓషన్ బ్లూ రంగుల్లో ఈ ఫోన్ కొనుగోలు చేయవచ్చు. ఈ ఫోన్ మనదేశంలో ఎప్పుడు లాంచ్ అవుతుందో తెలియరాలేదు.

టెక్నో స్పార్క్ 6 స్పెసిఫికేషన్లు

ఈ స్మార్ట్ ఫోన్ లో 6.8 అంగుళాల హెచ్ డీ+ డాట్-ఇన్ డిస్ ప్లేను అందించారు. దీని యాస్పెక్ట్ రేషియో 20.5:9గా ఉంది. ఆక్టాకోర్ మీడియాటెక్ హీలియో జీ70 ప్రాసెసర్ పై ఈ ఫోన్ పనిచేయనుంది. ఆండ్రాయిడ్ 10 ఆధారిత హైఓఎస్ 7.0 ఆపరేటింగ్ సిస్టంను టెక్నో స్పార్క్ 6లో అందించారు.

ఇక కెమెరాల విషయానికి వస్తే.. ఇందులో వెనకవైపు నాలుగు కెమెరాల సెటప్ ను అందించారు. వీటిలో ప్రధాన కెమెరా సామర్థ్యం 16 మెగా పిక్సెల్ కాగా, దీంతోపాటు మూడు 2 మెగా పిక్సెల్ సెన్సార్ లు కూడా ఇందులో ఉన్నాయి. ముందువైపు 8 మెగా పిక్సెల్ కెమెరాను అందించారు.

దీని బ్యాటరీ సామర్థ్యం 5000 ఎంఏహెచ్ గా ఉంది. 18W ఫాస్ట్ చార్జింగ్ ఫీచర్ కూడా ఇందులో ఉంది. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, 3.5 ఎంఎం హెడ్ ఫోన్ జాక్, మైక్రో యూఎస్‌బీ పోర్టు వంటి కనెక్టివిటీ ఫీచర్లను కూడా ఇందులో అందించారు. దీని మందం 0.92 సెంటీమీటర్లుగా ఉంది.

Source: https://telugu.samayam.com/tech/news/tecno-spark-6-launched-price-specifications-all-you-need-to-know/articleshow/78337770.cms

Leave Your Comment