logo

header-ad
header-ad

టెక్నో కొత్త ఫోన్ వచ్చేసింది..

ప్రముఖ స్మార్ట్ ఫోన్ బ్రాండ్ టెక్నో తన కొత్త ఫోన్ ను లాంచ్ చేసింది. అదే టెక్నో కామోన్ 16. దీని ధర, స్పెసిఫికేషన్లు, ఇతర వివరాలు ఇవే.

Tecno Camon 16

టెక్నో తన తాజా ఫోన్ టెక్నో కామోన్ 16ను లాంచ్ చేసింది. ఇందులో వెనకవైపు నాలుగు కెమెరాలు, ముందువైపు రెండు కెమెరాలు ఉన్నాయి. 48 మెగా పిక్సెల్ సెల్ఫీ కెమెరాను ఇందులో అందించడం విశేషం. ఇందులో 4500 ఎంఏహెచ్ బ్యాటరీని అందించారు. కామోన్ 16 సిరీస్ లో మరో రెండు ఫోన్లను కూడా టెక్నో ప్రకటించింది. అవే టెక్నో కామోన్ 16 ప్రో, టెక్నో కామోన్ 16 ప్రీమియర్. వీటి గురించిన వివరాలను కంపెనీ వెల్లడించలేదు.

టెక్నో కామోన్ 16 ధర

ఇందులో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 128 జీబీ స్టోరేజ్ తో వచ్చిన ఈ వేరియంట్ ధరను 28,499 కెన్యన్ షిల్లాంగ్ లుగా(సుమారు రూ.19,250) నిర్ణయించారు. గ్లేషియల్ సిల్వర్ రంగులో ఇది అందుబాటులో ఉంది. ఈ ఫోన్ కెన్యా అధికారిక స్టోర్ లో అందుబాటులో ఉంది. ప్రారంభ ఆఫర్ కింద హెచ్2 హైపోడ్స్ ట్రూ వైర్ లెస్ ఇయర్ పోడ్స్ కూడా వీటితో ఉచితంగా అందించనున్నారు.

టెక్నో కామోన్ 16 స్పెసిఫికేషన్లు

ఇందులో 6.9 అంగుళాల ఫుల్ హెచ్ డీ+ డిస్ ప్లేను అందించారు. పిల్ ఆకారంలో ఉన్న హోల్ పంచ్ కటౌట్‌ను ఇందులో అందించారు. మీడియాటెక్ హీలియో జీ90టీ ప్రాసెసర్ పై టెక్నో కామోన్ 16 పనిచేయనుంది. 8 జీబీ ర్యామ్, 128 జీబీ స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా ఈ స్టోరేజ్ ను 512 జీబీ వరకు పెంచుకునే అవకాశం ఉంది.

ఈ స్మార్ట్ ఫోన్ లో వెనకవైపు నాలుగు కెమెరాలను అందించారు. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 2 మెగా పిక్సెల్ డెప్త్ సెన్సార్, 2 మెగా పిక్సెల్ లో-లైట్ సెన్సార్ కూడా ఇందులో ఉన్నాయి. ఇక ముందువైపు 48 మెగా పిక్సెల్, 8 మెగా పిక్సెల్ సామర్థ్యమున్న రెండు కెమెరాలను అందించారు.

దీని బ్యాటరీ సామర్థ్యం 4500 ఎంఏహెచ్ గా ఉంది. 33W ఫాస్ట్ చార్జింగ్ ను ఈ ఫోన్ సపోర్ట్ చేయనుంది. ఆండ్రాయిడ్ 10 ఆపరేటింగ్ సిస్టంపై టెక్నో కామోన్ 16 పనిచేయనుంది. వైఫై బ్లూటూత్ వీ5, జీపీఎస్, 3.5 ఎంఎం ఆడియో జాక్ వంటి కనెక్టివిటీ ఫీచర్లు ఇందులో ఉన్నాయి. ఫింగర్ ప్రింట్ సెన్సార్ ను ఫోన్ పక్కభాగంలో అందించారు.

Source: https://telugu.samayam.com/tech/news/tecno-camon-16-launched-mediatek-helio-g90t-64mp-quad-camera-price-specifications-details/articleshow/77945999.cms

Leave Your Comment