ప్రస్తుత రోజుల్లో స్మార్ట్‌ఫోన్ వినియోగదారులు నిత్యం ఎదుర్కొనే సమస్య బ్యాటరీ బ్యాక్‌అప్‌. ఫేస్‌బుక్‌, వాట్సప్‌, యూట్యూబ్‌, ఇన్‌స్టాగ్రాం వంటి వాటిల్లో బిజీగా ఉంటుండటంతో బ్యాటరీలు త్వరగా ఖాళీ అవుతూ ఇబ్బందిపెడుతున్నాయి. ఈ కారణంగా చాలా మంది వినియోగదారులు పవర్ బ్యాంక్‌ను వెంట తీసుకెళ్లడం పనిగా పెట్టుకుంటున్నారు. అటువంటి వినియోగదారుల కోసం పవర్‌బ్యాంక్ వంటి శక్తివంతమైన స్మార్ట్‌ఫోన్లు మార్కెట్లో అందుబాటులో వచ్చాయి. పబ్జీ  వంటి యాక్షన్ గేమ్ ఆడాలనుకుంటే 10,000 ఎంఏహెచ్‌ బ్యాటరీతో స్మార్ట్‌ఫోన్లలో 22 గంటలు ఆడుకునే వీలుంది. ఇంతే శక్తివంతమైన బ్యాటరీతో 24 గంటల కంటే ఎక్కువ వీడియోను చూడవచ్చు. అదే సమయంలో 5 రోజుల కంటే ఎక్కువ పాటలు వినవచ్చు. 50 గంటలకు పైగా అంటే 2 రోజుల వరకు మాట్లాడవచ్చు. 

బ్లాక్‌వ్యూ బీవీ9100

ఈ స్మార్ట్‌ఫోన్‌లో 13,000 ఎంఏహెచ్ సామర్థ్యం గల బ్యాటరీ ఉంటుంది. ఇది త్వరగా ఛార్జింగ్‌ అవుతుంది. రివర్స్ ఛార్జింగ్‌కు కూడా మద్దతు ఇస్తుంది. 60 గంటల వరకు నాన్‌స్టాప్‌గా మాట్లాడే అవకాశాలున్నాయి. ఫోన్ 6.3-అంగుళాల పూర్తి హెచ్‌డీ డిస్ప్లేని కలిగి ఉంది. దీని రిజల్యూషన్ 1080 x 2340 పిక్సెల్స్‌. దీనిలో 16.0 + 0.3 ఎంపీ మెగాపిక్సెల్ వెనుక, 16 ఎంపీ ఫ్రంట్ కెమెరా ఉన్నాయి. 2.3 జీహెచ్‌జడ్‌ ఆక్టా-కోర్ ప్రాసెసర్‌తో ఫోన్ 4 జీబీ ర్యామ్‌, 64 జీబీ ఆన్‌బోర్డ్ నిల్వను కలిగి ఉన్నది. ఈ స్మార్ట్‌ఫోన్ ఐపీ 68 వాటర్‌ప్రూఫ్ రేటింగ్‌తో వస్తున్నది.

క్విక్‌టైల్ కే10000 ఎంటీ6735

ఈ స్మార్ట్‌ఫోన్‌లో 10,000 ఎంఏహెచ్ సామర్థ్యం కలిగిన బ్యాటరీ ఉన్నది. ఇది త్వరగా ఛార్జింగ్‌ చేయడానికి మద్దతు ఇస్తుంది. ఇది రివర్స్ ఛార్జింగ్‌కు కూడా మద్దతు ఇస్తుంది. ఫోన్ 5.5-అంగుళాల హెచ్‌డీ డిస్ప్లే కలిగి ఉంది. దీని రిజల్యూషన్ 1280 x 720 పిక్సెల్స్. దీనిలో 13 ఎంపీ మెగాపిక్సెల్ వెనుక, 5 ఎంపీ ముందు కెమెరా ఉంది. ఈ ఫోన్‌లో 2 జీబీ ర్యామ్, 1.0 జీహెచ్‌జడ్ ఆక్టా కోర్ ప్రాసెసర్‌తో 16 జీబీ ఆన్‌బోర్డ్ స్టోరేజ్ ఉన్నాయి.

డూజీ ఎన్ 100

ఈ స్మార్ట్‌ఫోన్‌లో 10,000 ఎంఏహెచ్ సామర్థ్యం కలిగిన బ్యాటరీ ఉన్నది. త్వరగా ఛార్జింగ్‌ చేసుకోవడానికే కాకుండా రివర్స్ ఛార్జింగ్‌కు కూడా మద్దతు ఇస్తుంది. ఫోన్ 5.9-అంగుళాల ఫుల్ హెచ్‌డి డిస్‌ప్లేను కలిగి ఉంది. దీని రిజల్యూషన్ 1080 x 2340 పిక్సెల్స్‌. దీనిలో 21ఎంపీ + 8ఎంపీ మెగాపిక్సెల్ వెనుక, 8ఎంపీ ముందు కెమెరా ఉంది. 2.0జీహెచ్‌జడ్‌ హెలియో పీ 23 ప్రాసెసర్‌తో ఫోన్ 4 జీబీ ర్యామ్, 64 జీబీ ఆన్‌బోర్డ్ స్టోరేజ్ కలిగి ఉన్నది.

బ్లాక్‌వ్యూ బీవీ 9500 ప్రో

ఈ స్మార్ట్‌ఫోన్‌లో 10,000 ఎంఏహెచ్ సామర్థ్యం కలిగిన బ్యాటరీ ఉన్నది. ఛార్జింగ్‌ త్వరగా చేసుకోవచ్చు. రివర్స్ ఛార్జింగ్‌కు కూడా మద్దతు ఇస్తుంది. ఫోన్ 5.7-అంగుళాల ఫుల్ హెచ్‌డి డిస్‌ప్లేను కలిగి ఉంది. దీని రిజల్యూషన్ 2160 x 1080 పిక్సెల్స్‌. దీనిలో 16.0 + 0.3 ఎంపీ మెగాపిక్సెల్ వెనుక, 13 ఎంపీ ఫ్రంట్ కెమెరా ఉన్నాయి. ఈ ఫోన్‌లో 2.5జీహెచ్‌జబ్‌ హెలియో పీ 70 ఆక్టా-కోర్ 64 బిట్ ప్రాసెసర్ 4 జీబీ ర్యామ్, 64 జీబీ ఆన్‌బోర్డ్ స్టోరేజ్ ఉన్కది.

ఉలేఫోన్ పవర్ 5

ఈ స్మార్ట్‌ఫోన్‌లో 13,000 ఎంఏహెచ్ సామర్థ్యం గల బ్యాటరీ ఉన్నది. త్వరగా ఛార్జింగ్‌తోపాటు రివర్స్ ఛార్జింగ్‌ కూడా చేసుకోవచ్చు. ఫోన్ 6.0-అంగుళాల పూర్తి హెచ్‌డీ డిస్ప్లే కలిగి ఉంది. దీని రిజల్యూషన్ 2160 x 1080 పిక్సెల్స్‌. ఇది 21 + 5ఎంపీ మెగాపిక్సెల్ వెనుక, 8 + 5 ఎంపీ ముందు కెమెరాను కలిగి ఉంది. 2.0జీహెచ్‌జడ్‌ మీడియాటెక్ 6763 ఆక్టా-కోర్ ప్రాసెసర్‌తో ఈ ఫోన్ 6జీబీ ర్యామ్‌, 64 జీబీ ఆన్‌బోర్డ్ నిల్వను కలిగి ఉన్నది.