logo

header-ad
header-ad

రియల్ మీ 7ఐ వచ్చేది ఆరోజే..

ప్రముఖ స్మార్ట్ ఫోన్ బ్రాండ్ రియల్ మీ తన కొత్త స్మార్ట్ ఫోన్ రియల్ మీ 7ఐని అక్టోబర్ 7వ తేదీన లాంచ్ చేయనున్నట్లు ప్రకటించింది. దీంతో పాటు కొత్త రియల్ మీ టీవీ కూడా అదేరోజు లాంచ్ అయ్యే అవకాశం ఉంది.

 Realme 7i

ప్రధానాంశాలు:

అక్టోబర్ 7న లాంచ్

55 అంగుళాల టీవీ కూడా

ధర రూ.15 వేల రేంజ్‌లో ఉండే అవకాశం!

రియల్ మీ 7ఐ మనదేశంలో అక్టోబర్ 7వ తేదీన లాంచ్ కానుంది. ఈ విషయాన్ని కంపెనీ ప్రత్యేక పేజీ ద్వారా వెల్లడించింది. ఈ ఫోన్ మొదటగా ఇండోనేషియాలో లాంచ్ అయింది. రియల్ మీ 7ఐతో పాటు 55 అంగుళాల ఎస్ఎల్ఈడీ 4కే టీవీని కూడా రియల్ మీ లాంచ్ చేయనుంది. దీంతోపాటు రియల్ మీ 7 ప్రోలో సన్ కిస్డ్ లెదర్ అనే కొత్త స్పెషల్ ఎడిషన్‌ను కూడా షియోమీ లాంచ్ చేయనున్నట్లు సమాచారం.

రియల్ మీ 7ఐ ఇండియా లాంచ్ వివరాలు

అక్టోబర్ 7వ తేదీన మధ్యాహ్నం 12.30 గంటలకు రియల్ మీ 7ఐ లాంచ్ కానుంది. ఈ విషయాన్ని రియల్ మీ ఇండియా ప్రత్యేక వెబ్ సైట్ ద్వారా తెలిపింది. ఈ కార్యక్రమం ప్రత్యేకించి రియల్ మీ ఇండియా సోషల్ మీడియా చానెళ్లలో ప్రత్యక్ష ప్రసారం కానుంది. రియల్ మీ 7ఐ ఫోన్‌తో కొత్త 55 అంగుళాల స్మార్ట్ టీవీ కూడా లాంచ్ కానుంది.

రియల్ మీ షేర్ చేసిన ఇన్విటేషన్ ప్రకారం రియల్ మీ బడ్స్ ఎయిర్ ప్రో ట్రూలీ వైర్‌లెస్ ఇయర్ బడ్స్, రియల్ మీ వాచ్ ఎస్ ప్రో స్మార్ట్ వాచ్ కూడా లాంచ్ కానున్నట్లు సమాచారం. కొత్త వైర్డ్ ఇయర్ బడ్స్, ఎలక్ట్రిక్ టూత్ బ్రష్, పవర్ బ్యాంక్ కూడా ఈ కార్యక్రమంలో లాంచ్ కానున్నాయి.

రియల్ మీ 7ఐ ధర(అంచనా)

ఈ ఫోన్ ఇండోనేషియాలో రూ.15,800(భారత కరెన్సీ ప్రకారం) ధరతో లాంచ్ అయింది. ఇందులో కేవలం 8 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. అరోరా గ్రీన్, పోలార్ వైట్ రంగుల్లో ఈ ఫోన్ లాంచ్ అయింది. కాబట్టి మనదేశంలో కూడా ఇదే ధరతో లాంచ్ అయ్యే అవకాశం ఉంది.

రియల్ మీ 7ఐ స్పెసిఫికేషన్లు

ఆండ్రాయిడ్ 10 ఆధారిత రియల్ మీయూఐ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ డిస్ ప్లేను అందించారు. స్క్రీన్ రిఫ్రెష్ రేట్ 90 హెర్ట్జ్ గానూ, దీని స్క్రీన్ టు బాడీ రేషియో 90 శాతంగానూ ఉంది. కార్నింగ్ గొరిల్లా గ్లాస్ ప్రొటెక్షన్‌ను కూడా ఇందులో అందించారు. ఆక్టాకోర్ క్వాల్ కాం స్నాప్ డ్రాగన్ 662 ప్రాసెసర్‌పై రియల్ మీ 7ఐ పని చేయనుంది.

ఇందులో వెనకవైపు నాలుగు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ బ్లాక్ అండ్ వైట్ సెన్సార్, 2 మెగా పిక్సెల్ మాక్రో షూటర్ కూడా ఉన్నాయి. సెల్ఫీల కోసం ముందువైపు 16 మెగా పిక్సెల్ కెమెరాను కంపెనీ అందించింది.

ఇందులో 128 జీబీ స్టోరేజ్ అందించనున్నారు. దీన్ని మైక్రో ఎస్ డీ కార్డు ద్వారా ఇంకా పెంచుకునే అవకాశం ఉంది. దీంతోపాటు డ్యూయల్ బ్యాండ్ వైఫై, ఎల్టీఈ, బ్లూటూత్ 5.0, ఎన్ఎఫ్ సీ, జీపీఎస్/ఏ-జీపీఎస్, గ్లోనాస్, 3.5 ఎంఎం హెడ్ ఫోన్ జాక్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు కూడా ఇందులో అందించారు. దీని బ్యాటరీ సామర్థ్యం 5000 ఎంఏహెచ్ గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.89 సెంటీమీటర్లుగానూ, బరువు 188 గ్రాములుగానూ ఉంది.

Source: https://telugu.samayam.com/tech/news/realme-7i-to-be-launched-on-october-7th-expected-price-specifications-55-inch-sled-4k-tv-may-launch-alondside/articleshow/78383664.cms

Leave Your Comment