logo

header-ad
header-ad

ప్లేస్టోర్ నుంచి పేటీఎం యాప్ తొలగింపు.!

అందరిని ఆశ్చర్యపరుస్తూ.. గూగుల్ ప్లేస్టోర్ నుంచి PAYTM యాప్ తొలగించబడింది. గ్యాంబ్లింగ్‌ను ప్రమోట్ చేసే యాప్‌ను తాము ఆమోదించబోమని.. అందుకే తొలిగించామని గూగుల్ స్పష్టం చేసింది. శుక్రవారం గూగుల్ తన బ్లాగ్‌లో ”Understanding Our Play Gambling Policies In India” అనే టైటిల్‌తో ఓ ప్రచురణ చేసింది. అందులో కొత్త మార్గదర్శకాల గురించి ప్రస్తావించింది. ముఖ్యంగా భారతదేశంలో జుదాన్ని ఆమోదించే, ప్రోత్సహించే యాప్స్‌కు సంబంధించిన సమస్యలను హైలైట్ చేసింది. (Paytm pulled from Google Play Store)

“వినియోగదారుల సురక్షితను దృష్టిలో పెట్టుకుని గూగుల్ ప్లేను రూపొందించాం. అదే సమయంలో డెవలపర్‌లకు స్థిరమైన వ్యాపారాలను నిర్మించడానికి అవసరమైన వేదికను కూడా ఇది ఇస్తుంది. మా గ్లోబల్ పాలసీలు ఎల్లప్పుడూ ఆ లక్ష్యాన్ని దృష్టిలో ఉంచుకుని రూపొందించబడతాయి. మా వాటాదారులందరి మంచిని కూడా పరిగణనలోకి తీసుకుంటాం” అని గూగుల్ తన బ్లాగులో తెలిపింది. అంతేకాదు పేటీఎం యాప్ ద్వారా లభించే ఆన్‌లైన్ కాసినోల సమస్యను ఇందులో చర్చించింది. కాగా, గూగుల్  ప్లేస్టోర్‌లో పేటీఎం బిజినెస్, పేటీఎం మాల్, పేటీఎం మనీ యాప్‌లు ఉన్నాయి.

Source: https://tv9telugu.com/paytm-pulled-from-google-play-store-google-says-wont-allow-gambling-apps-314425.html

Leave Your Comment