logo

header-ad
header-ad

దీపావళి నాటికి ఒప్పో ఎఫ్21 ప్రో..

ప్రముఖ స్మార్ట్ ఫోన్ బ్రాండ్ ఒప్పో దీపావళి నాటికి ఎఫ్21 ప్రో స్మార్ట్ ఫోన్ లాంచ్ చేయనుందని తెలుస్తోంది. ఒప్పో ఎఫ్17 ప్రో కంటే మెరుగైన ఫీచర్లతో ఈ ఫోన్ రానుందని సమాచారం.

 Oppo F21 Pro

ఒప్పో ఎఫ్21 ప్రో స్మార్ట్ ఫోన్ మనదేశంలో దీపావళికి ముందే లాంచ్ కానుందని ఓ నివేదిక ద్వారా తెలుస్తోంది. ఈ ఫోన్ మనదేశంలో అక్టోబర్ చివరిలో కానీ, నవంబర్ ప్రారంభంలో కానీ ఉండే అవకాశం ఉంది. ఒప్పో ఎఫ్17 ప్రో కంటే సన్నగా ఈ ఫోన్ ఉండనుందని తెలుస్తోంది. అయితే ఇప్పుడు రాబోయే ఫోన్ ఒప్పో ఎఫ్21ఆ లేకపోతే ఒప్పో ఎఫ్17 ప్రో అనే విషయం తెలియరాలేదు.

ఈ విషయాన్ని మొదటగా మై స్మార్ట్ ప్రైస్ వెల్లడించింది. దీని గురించి మరింత సమాచారం తెలియరాలేదు. అయితే ఒప్పో ఎఫ్17 ప్రో కంటే సన్నగా ఈ ఫోన్ ఉండనుందని మాత్రం సమాచారం. దీని వెనకవైపు గ్లాస్ ఫినిష్ తో రానుందని తెలుస్తోంది.

ఒప్పో ఈమధ్యే ఎఫ్17 సిరీస్‌ను లాంచ్ చేసింది. ఇందులో ఎఫ్17, ఎఫ్17 ప్రో స్మార్ట్ ఫోన్లు లాంచ్ అయ్యాయి. ఒప్పో ఎఫ్17 ప్రో సేల్ మనదేశంలో ఇప్పటికే ప్రారంభం అయింది. ఒప్పో ఎఫ్17 ప్రోలో మీడియాటెక్ హీలియో పీ95 ప్రాసెసర్ ను అందించగా, ఒప్పో ఎఫ్17లో క్వాల్ కాం స్నాప్ డ్రాగన్ 662 ప్రాసెసర్‌ను అందించారు.

ఇందులో వెనకవైపు నాలుగు కెమెరాలు ఉన్నాయి. ఒప్పో ఎఫ్17లో ముందువైపు సింగిల్ పంచ్ హోల్ కెమెరాను, ఎఫ్17 ప్రోలో రెండు కెమెరాలను అందించారు. ఇవి రెండూ ఫాస్ట్ చార్జింగ్ ఫీచర్ ను సపోర్ట్ చేయనున్నాయి.

ఒప్పో ఎఫ్17 ప్రో కంటే ఒప్పో ఎఫ్21 ప్రో మెరుగైన స్పెసిఫికేషన్లు ఉంటాయని అంచనా వేయవచ్చు. ఇందులో వేగవంతమైన చార్జింగ్ స్పీడ్, వెనకవైపు నాలుగు కెమెరాల సెటప్, ఎక్కువ రిఫ్రెష్ రేట్ ఉన్న స్క్రీన్ ఉండే అవకాశం ఉంది. ఒప్పో ఎఫ్17 ధర రూ.17,990గానూ, ఒప్పో ఎఫ్17 ప్రో ధర రూ.22,990గానూ నిర్ణయించారు. ఒప్పో ఎఫ్21 ప్రో ధర వీటికంటే ఎక్కువగా ఉండే అవకాశం ఉంది.

Source: https://telugu.samayam.com/tech/news/oppo-f21-pro-to-be-launched-before-diwali-report-suggests/articleshow/78171340.cms

Leave Your Comment