logo

header-ad
header-ad

బడ్జెట్ ఫోన్లతో వన్ ప్లస్... నార్డ్ ఎన్10

ముఖ స్మార్ట్ ఫోన్ బ్రాండ్ వన్ ప్లస్.. నార్డ్ ఎన్10 5జీ పేరిట కొత్త స్మార్ట్ ఫోన్‌ను రూపొందిస్తున్నట్లు సమాచారం. వన్ ప్లస్ నార్డ్ తరహాలో ఇది కూడా బడ్జెట్ ధరలోనే లాంచ్ కానుందని తెలుస్తోంది.

OnePlus Nord N10

వన్ ప్లస్ నార్డ్ ఎన్10 5జీ స్మార్ట్ ఫోన్‌ను కంపెనీ రూపొందిస్తున్నట్లు తెలుస్తోంది. ఈ ఫోన్ కూడా ఈ సంవత్సరమే లాంచ్ అవుతుందని సమాచారం. వన్ ప్లస్ 8టీ సిరీస్ లాంచ్ అయిన కొద్ది రోజులకే ఇది లాంచ్ అవుతుందని, దీని ధర 400 డాలర్ల(సుమారు రూ.29,500) రేంజ్‌లోనే ఉండనుందని వార్తలు వినిపిస్తున్నాయి. వన్ ప్లస్ నార్డ్ ఎన్10 5జీ స్పెసిఫికేషన్లు కూడా ఇప్పటికే లీకయ్యాయి. క్వాల్ కాం స్నాప్ డ్రాగన్ 690 ప్రాసెసర్‌పై ఈ ఫోన్ పనిచేయనుందని తెలుస్తోంది.

బిల్లీ అనే కోడ్ నేమ్‌తో ఈ ఫోన్ రూపొందుతుందని సమాచారం. వన్ ప్లస్ నార్డ్ 10 5జీ అమెరికాలో త్వరలో లాంచ్ కానుందని సమాచారం. దీనికి సంబంధించిన డిజైన్ వివరాలు ఏవీ బయట పడలేదు. కానీ స్పెసిఫికేషన్లు మాత్రం ఆన్ లైన్లో లీకయ్యాయి.

వన్ ప్లస్ నార్డ్ ఎన్10 5జీ స్పెసిఫికేషన్లు(అంచనా)

వన్ ప్లస్ నార్డ్ ఎన్10 5జీలో 6.49 అంగుళాల ఫుల్ హెచ్‌డీ+ డిస్ ప్లే ఉండనుందని సమాచారం. దీని స్క్రీన్ రిఫ్రెష్ రేట్ 90 హెర్ట్జ్ గా ఉండనుంది. క్వాల్ కాం స్నాప్ డ్రాగన్ 690 ప్రాసెసర్‌ను ఇందులో అందించే అవకాశం ఉంది. 6 జీబీ ర్యామ్, 128 జీబీ స్టోరేజ్ ఇందులో ఉండనుందని తెలుస్తోంది.

ఇందులో వన్ ప్లస్ మొదటిసారి 64 మెగా పిక్సెల్ కెమెరా అందించనున్నట్లు తెలుస్తోంది. దీంతో పాటు వెనకవైపు 8 మెగా పిక్సెల్ అల్ట్రావైడ్ యాంగిల్ సెన్సార్, మరో 2 మెగా పిక్సెల్ సెన్సార్ ఉండనున్నట్లు సమాచారం.

ఈ మధ్యే వన్ ప్లస్ నార్డ్ 100, వన్ ప్లస్ నార్డ్ 105జీ అనే స్మార్ట్ పోన్లు కంపెనీ వెబ్ సైట్లో కనిపించాయి. ఇవి కూడా త్వరలో లాంచ్ అయ్యే అవకాశం ఉంది. వన్ ప్లస్ నార్డ్ 105జీ, వన్ ప్లస్ నార్డ్ 10 5జీ ఒకే స్మార్ట్ ఫోన్లని తెలుస్తోంది. వన్ ప్లస్ 8టీ లాంచ్ అయిన కొద్ది రోజులకు వన్ ప్లస్ నార్డ్ 5జీ లాంచ్ అయ్యే అవకాశం ఉంది.

Source: https://telugu.samayam.com/tech/news/oneplus-nord-n10-5g-specifications-leaked-expected-to-launch-this-year/articleshow/78169375.cms

Leave Your Comment