logo

header-ad
header-ad

లీకైన వన్‌ప్లస్ 8టీ స్పెసిఫికేషన్లు..

ప్రముఖ స్మార్ట్ ఫోన్ బ్రాండ్ వన్ ప్లస్ త్వరలో లాంచ్ చేయనున్న వన్ ప్లస్ 8టీ స్పెసిఫికేషన్లు ఆన్ లైన్ లో లీకయ్యాయి. వెనకవైపు నాలుగు కెమెరాలు, 120 హెర్ట్జ్ డిస్ ప్లే ఇందులో ఉండనున్నట్లు తెలుస్తోంది.

 OnePlus 8T

వన్ ప్లస్ 8టీ స్పెసిఫికేషన్లు ఆన్ లైన్‌లో లీకయ్యాయి. ఈ ఫోన్ ఫొటోలు కూడా ఈమధ్యే లీకయ్యాయి. వన్ ప్లస్ 8, వన్ ప్లస్ 8 ప్రోలకు సంబంధించిన ఆండ్రాయిడ్ 11 డెవలపర్ ప్రివ్యూ సందర్భంగా ఇవి లీకయ్యాయి. ఈ కొత్త వన్ ప్లస్ ఫోన్లు కెబాబ్ అనే కోడ్ నేమ్ తో తయారవుతున్నాయి. ఇందులో 120 హెర్ట్జ్ డిస్ ప్లేను అందించారు.

ఇందులో వెనకవైపు నాలుగు కెమెరాలు ఉండనున్నాయి. వీటిలో ప్రధాన కెమెరాగా 48 మెగా పిక్సెల్ కెమెరాను అందించనున్నట్లు సమాచారం. ఈ కొత్త స్మార్ట్ ఫోన్ గురించి వన్ ప్లస్ ఎటువంటి సమాచారాన్ని అందించలేదు. అయితే వన్ ప్లస్ ప్రతియేటా రెండు ఫ్లాగ్ షిప్ ఫోన్ సిరీస్ ను లాంచ్ చేస్తుంది. కాబట్టి త్వరలోనే వన్ ప్లస్ 8టీ ఫోన్లు లాంచ్ అవుతాయనుకోవచ్చు.

వన్ ప్లస్ 8టీలో 120 హెర్ట్జ్ అమోఎల్ఈడీ డిస్ ప్లేను అందించనున్నట్లు తెలిపారు. వన్ ప్లస్ 8లో 90 హెర్ట్జ్ రిఫ్రెష్ రేట్ ఉన్న డిస్ ప్లేను అందించగా, వన్ ప్లస్ 8 ప్రోలో 120 హెర్ట్జ్ రిఫ్రెష్ రేట్ ఉన్న డిస్ ప్లేను అందించారు.

కెమెరా విషయానికి వస్తే.. ఇందులో వెనకవైపు నాలుగు కెమెరాల సెటప్ అందుబాటులో ఉండనుంది. వీటిలో ప్రధాన కెమెరా సామర్థ్యం 48 మెగా పిక్సెల్ గా ఉండనుంది. దీంతో పాటు 16 మెగా పిక్సెల్ వైడ్ యాంగిల్ కెమెరా కూడా ఉండనున్నట్లు తెలుస్తోంది. దీంతోపాటు 5 మెగా పిక్సెల్ మాక్రో లెన్స్, 2 మెగా పిక్సెల్ పొర్ ట్రెయిట్ లెన్స్ కూడా ఇందులో ఉండనున్నాయి.

వన్ ప్లస్ 8లో కూడా 48 మెగా పిక్సెల్ కెమెరానే అందించారు. అయితే వన్ ప్లస్ 8టీలో కొత్త సెన్సార్ ను అందించనున్నట్లు తెలుస్తోంది. కాబట్టి కెమెరా విషయంలో కొన్ని మార్పులు జరుగుతాయని మనం అంచనా వేయవచ్చు.

ఈ ఫోన్ ఆండ్రాయిడ్ 11 ఆధారిత ఆక్సిజన్ఓఎస్ 11పై పనిచేయనుందని తెలుస్తోంది. ఇందులో క్వాల్ కాం స్నాప్ డ్రాగన్ 865 ప్లస్ ప్రాసెసర్ ను అందించనున్నారని, 8 జీబీ ర్యామ్, 128 జీబీ స్టోరేజ్ కూడా ఇందులో ఉండనున్నట్లు తెలుస్తోంది. ఆండ్రాయిడ్ 11 ఆపరేటింగ్ సిస్టంతో రానున్న మొదటి ఫోన్లలో ఇది కూడా ఉండనుంది. ఇదే ఈ ఫోన్ లో ప్రధాన హైలెట్.

వన్ ప్లస్ 8తో పోలిస్తే ఇందులో భారీ మార్పులు ఉండకపోవచ్చని తాజాగా లీకైన ఇమేజ్ ని బట్టి చెప్పవచ్చు. అయితే ఈ ఫోన్ లో 64 మెగా పిక్సెల్ కెమెరా కూడా ఉండనున్నట్లు గతంలో లీకులు వచ్చింది. దీంతోపాటు ఇందులో 65W ఫాస్ట్ చార్జింగ్ సపోర్ట్ కూడా ఉండనుందని తెలుస్తోంది.

ఈ ఫోన్ సెప్టెంబర్ నెలాఖరులో కానీ, సెప్టెంబర్ మొదటి వారంలో కానీ వన్ ప్లస్ 8టీ లాంచ్ జరగవచ్చు. వన్ ప్లస్ 7టీ లాంచ్ కూడా గతేడాది సెప్టెంబర్ 26వ తేదీనే జరిగింది.

Source: https://telugu.samayam.com/tech/news/oneplus-8t-specifications-expected-launch-timeline-leaked-online-120hz-display/articleshow/77930821.cms

Leave Your Comment