logo

header-ad
header-ad

నోకియా 3.4, 2.4లను లాంచ్ చేసిన కంపెనీ..

ప్రముఖ స్మార్ట్ ఫోన్ బ్రాండ్ నోకియా తన రెండు కొత్త స్మార్ట్ ఫోన్లను మార్కెట్లో లాంచ్ చేసింది. అవే : 

* Nokia 2.4

* Nokia 3.4

* ధర రూ.11 వేల నుంచి ప్రారంభం

* ఒకేసారి రెండు ఫోన్లు లాంచ్ చేసిన నోకియా

ప్రధానాంశాలు

నోకియా బ్రాండ్ లెైసెన్స్ ఉన్న సంస్థ హెచ్ఎండీ గ్లోబల్ నోకియా 3.4, 2.4 స్మార్ట్ ఫోన్లను లాంచ్ చేసింది. ఈ రెండు ఫోన్లలో హెచ్‌డీ+ డిస్ ప్లేలు, వెనకవైపు ఫింగర్ ప్రింట్ సెన్సార్లు, నార్డిక్ కలర్ ప్యాలెట్లు అందుబాటులో ఉన్నాయి. నోకియా 3 సిరీస్‌లో మొదటిసారి వెనకవైపు మూడు కెమెరాలు, ముందువైపు పంచ్ హోల్ కెమెరాతో లాంచ్ అయన ఫోన్ నోకియా 3.4నే. ఇక నోకియా 2.4లో వాటర్ డ్రాప్ నాచ్ తరహా డిస్ ప్లే, వెనకవైపు రెండు కెమెరాలు ఉన్నాయి.

నోకియా 3.4 ధర

నోకియా 3.4 ధర 159 యూరోలుగా(సుమారు రూ.13,700) ఉంది. చార్ కోల్, డస్క్, ఫోర్డ్ కలర్ ఆప్షన్లలో ఈ ఫోన్ కొనుగోలు చేయవచ్చు. దీని సేల్ అక్టోబర్ నుంచి ప్రారంభం కానుంది.

నోకియా 2.4 ధర

నోకియా 2.4 ధరను కంపెనీ 119 యూరోలుగా(సుమారు రూ.10,300) నిర్ణయించారు. ఇది కూడా చార్ కోల్, డస్క్, ఫోర్డ్ కలర్ ఆప్షన్లలోనే అందుబాటులో ఉంది. దీని సేల్ సెప్టెంబర్ నెలాఖరు నుంచి ప్రారంభం కానుంది. ఈ రెండు ఫోన్లూ మనదేశంలో ఎప్పుడు లాంచ్ అవుతాయో తెలియరాలేదు.

నోకియా 3.4 స్పెసిఫికేషన్లు

ఇందులో 6.39 అంగుళాల హెచ్ డీ+ డిస్ ప్లేను అందించారు. దీని డిస్ ప్లే యాస్పెక్ట్ రేషియో 19.5:9గా ఉంది. ఆక్టాకోర్ క్వాల్ కాం స్నాప్ డ్రాగన్ 460 ప్రాసెసర్‌పై ఈ ఫోన్ పనిచేయనుంది. 4 జీబీ వరకు ర్యామ్, 64 జీబీ వరకు స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా స్టోరేజ్ ను 512 జీబీ వరకు పెంచుకోవచ్చు.

ఈ స్మార్ట్ ఫోన్ లో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ గా ఉంది. దీంతోపాటు 5 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ డెప్త్ సెన్సార్ కూడా ఉన్నాయి. ముందువైపు 8 మెగా పిక్సెల్ సెల్పీ కెమెరా అందుబాటులో ఉంది.

ఈ ఫోన్ ఆండ్రాయిడ్ 10 ఆపరేటింగ్ సిస్టంపై పనిచేయనుంది. దీని బ్యాటరీ సామర్థ్యం 4000 ఎంఏహెచ్ గా ఉంది. 10W ఫాస్ట్ చార్జింగ్ ను ఇది సపోర్ట్ చేయనుంది. దీని మందం 0.87 సెంటీమీటర్లుగానూ, బరువు 180 గ్రాములుగానూ ఉంది.

నోకియా 2.4 స్పెసిఫికేషన్లు

ఇందులో 6.5 అంగుళాల హెచ్ డీ+ డిస్ ప్లేను అందించారు. దీని డిస్ ప్లే యాస్పెక్ట్ రేషియో 20:9గా ఉంది. ఆక్టాకోర్ మీడియాటెక్ హీలియో పీ22 ప్రాసెసర్‌పై ఈ ఫోన్ పనిచేయనుంది. 3 జీబీ వరకు ర్యామ్, 64 జీబీ వరకు స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా స్టోరేజ్ ను 512 జీబీ వరకు పెంచుకునే అవకాశం ఉంది.

ఈ స్మార్ట్ ఫోన్ లో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ గా ఉంది. దీంతోపాటు 2 మెగా పిక్సెల్ డెప్త్ సెన్సార్ కూడా ఉంది. ముందువైపు 5 మెగా పిక్సెల్ సెల్పీ కెమెరా అందించారు.

ఈ ఫోన్ ఆండ్రాయిడ్ 10 ఆపరేటింగ్ సిస్టంపై పనిచేయనుంది. దీని బ్యాటరీ సామర్థ్యం 4500 ఎంఏహెచ్ గా ఉంది. దీని మందం 0.87 సెంటీమీటర్లుగానూ, బరువు 189 గ్రాములుగానూ ఉంది.

Source: https://telugu.samayam.com/tech/news/nokia-launched-3-4-and-2-4-smartphones-price-specifications-details/articleshow/78269237.cms

Leave Your Comment