logo

header-ad
header-ad

రెండు చవకైన స్మార్ట్ టీవీలు లాంచ్ చేసిన షియోమీ..

ప్రముఖ స్మార్ట్ ఫోన్ బ్రాండ్ షియోమీ మనదేశంలో కొత్త టీవీ సిరీస్ ను లాంచ్ చేసింది. తక్కువ ధరలోనే మంచి ఫీచర్లను ఇందులో అందించారు. వీటిలో అదిరిపోయే ఫీచర్లను షియోమీ అందించింది.

Mi TV 4A Horizon Edition

ఎంఐ టీవీ 4ఏ హారిజన్ ఎడిషన్ 32 అంగుళాల, 43 అంగుళాల వేరియంట్లు లాంచ్ అయ్యాయి. ఈ ఫోన్ అంచులు లేని డిస్ ప్లేతో లాంచ్ అయింది. దీని స్క్రీన్ టు బాడీ రేషియో 95 శాతంగా ఉండటం విశేషం. ఇది షియోమీ వివిడ్ పిక్చర్ ఇంజన్ తో లాంచ్ అయింది. దీంతో డిస్ ప్లే మరింత బాగా ఉండనుంది. దీనికి తోడు షియోమీ ప్యాచ్ వాల్ ఆండ్రాయిడ్ ఆపరేటింగ్ సిస్టం కూడా ఉంది. ఇందులో ఉన్న క్విక్ అవేక్ ఫీచర్ ద్వారా కేవలం 5 సెకన్లలోనే ఈ టీవీ ఆన్ అవుతుంది.

ఎంఐ టీవీ 4ఏ ధర

ఇందులో 32 అంగుళాల స్మార్ట్ టీవీ ధరను రూ.13,499గా నిర్ణయించారు. 43 అంగుళాల వేరియంట్ ధర రూ.22,999గా ఉంది. వీటిలో 32 అంగుళాల వేరియంట్ సేల్ సెప్టెంబర్ 11వ తేదీన మధ్యాహ్నం 12 గంటలకు ఫ్లిప్ కార్ట్, ఎంఐ.కాం, ఎంఐ హోం స్టోర్లలో జరగనుంది. 43 అంగుళాల వేరియంట్ ధర సెప్టెంబర్ 15వ తేదీన సాయంత్రం ఆరు గంటలకు అమెజాన్, ఎంఐ.కాం, ఎంఐ హోం స్టోర్లలో జరగనుంది.

32 అంగుళాల వేరియంట్ స్పెసిఫికేషన్లు

ఇందులో 32 అంగుళాల హెచ్ డీ రెడీ డిస్ ప్లేను అందించారు. ఇందులో 20W స్టీరియో స్పీకర్లను అందించారు. ఆండ్రాయిడ్ టీవీ 9.0 ప్యాచ్ వాల్ ఆపరేటింగ్ సిస్టం ఇందులో ఉంది. క్వాడ్ కోర్ ప్రాసెసర్, 1 జీబీ ర్యామ్, 8 జీబీ స్టోరేజ్ ఇందులో ఉన్నాయి.

వైఫై 802.11 బీ/జీ/ఎన్, బ్లూటూత్ వీ4.2, మూడు హెచ్ డీఎంఐ పోర్టులు, రెండు యూఎస్ బీ పోర్టులు, ఒక ఎథర్ నెట్ పోర్టు, 3.5 ఎంఎం హెడ్ ఫోన్ జాక్ ఇందులో ఉన్నాయి.

43 అంగుళాల వేరియంట్ స్పెసిఫికేషన్లు

ఇందులో ఫుల్ హెచ్ డీ డిస్ ప్లేను అందించారు. ఇందులో కూడా క్వాడ్ కోర్ ప్రాసెసర్, 1 జీబీ ర్యామ్, 8 జీబీ స్టోరేజ్ కూడా ఇందులో ఉన్నాయి. ఈ టీవీ ఆండ్రాయిడ్ టీవీ 9.0 ఆపరేటింగ్ సిస్టంపై పనిచేయనుంది.

కనెక్టివిటీ విషయానికి వస్తే.. ఇందులో వైఫై, బ్లూటూత్, హెచ్ డీఎంఐ, యూఎస్ బీ, ఎథర్ నెట్ పోర్టులు కూడా ఇందులో ఉన్నాయి. ఇందులో 3.5 ఎంఎం హెడ్ ఫోన్ జాక్ కూడా ఉంది. ఇందులో 20W స్టీరియో స్పీకర్లను అందించారు.

Source: https://telugu.samayam.com/tech/news/mi-tv-4a-horizon-edition-series-launched-in-india-price-from-rs-13499-specifications-features-details/articleshow/78000798.cms

Leave Your Comment