logo

header-ad
header-ad

స్టైలిష్ స్పోర్ట్స్ బైక్ కవాసాకి జెడ్900 లాంచ్..

ప్రముఖ మోటార్ సైకిళ్ల సంస్థ కవాసాకి తన జెడ్ 900 బైక్ ను బీఎస్6 ఫార్మాట్లో అప్డేట్ చేసి భారత మార్కెట్లో విడుదల చేసింది. ఎక్స్ షోరూంలో ఈ మోటార్ సైకిల్ ప్రారంభ ధర వచ్చేసి రూ.7.99 లక్షలుగా సంస్థ నిర్దేశించింది. పాత మోడల్ తో పోలిస్తే 29 వేలు ధర ఎక్కువగా ఉంది.

కవాసాకి జెడ్900 బైక్

స్టైలిష్ స్పోర్ట్స్ బైక్స్ ను లాంచ్ చేయడంలో ముందు వరుసలో ఉండే సంస్థ కవాసాకి. ఈ కంపెనీ నుంచి విడుదలైన వాహనాలు బైక్ ప్రియులను ఎంతో గానో ఆకట్టుకుంటున్నాయి. తాజాగా ఈ జపాన్ ఆటో సంస్థ నుంచి సరికొత్త స్పోర్ట్స్ బైక్ లాంచ్ అయింది. అదే కవాసాకి జెడ్900 మోడల్. దీన్ని బీఎస్6 కాలుష్య నియంత్రణ ప్రమాణాలకు అనుగుణంగా మార్పులు చేసి భారత మార్కెట్లో విడుదల చేసిందీ సంస్థ. ఎక్స్ షోరూంలో ఈ బైక్ ప్రారంభ ధర వచ్చేసి రూ.7.99 లక్షలుగా సంస్థ నిర్దేశించింది. దీని బీఎస్4 మోడల్ తో పోలిస్తే రూ.29,000 ధర అధికంగా ఉంది.

ఇంజిన్..

ఈ సరికొత్త కవాసాకి జెడ్900 మోటార్ సైకిల్ ను బీఎస్6 ఫార్మాట్లో అప్డేట్ చేశారు. 948 సీసీ ఇన్-లైన్ నాలుగు సిలీండర్ల లిక్విడ్ కూల్డ్ ఇంజిన్ ను ఇది కలిగి ఉంది. బీఎస్4 మోడల్ మాదిరే పవర్ అండ్ టార్క్ ఔట్ పుట్ విషయాల్లో ఎలాంటి మార్పు లేదు. ఇది 123 బీహెచ్ పీ బ్రేక్ హార్స్ పవర్, 98.6 ఎన్ఎం టార్క్ ను ఉత్పత్తి చేస్తుంది. అంతేకాకుండా 6-స్పీడ్ గేర్ బాక్స్ వ్యవస్థను ఇది ఉత్పత్తి చేస్తుంది.

కవాసాకి జెడ్900 బీఎస్6

ప్రత్యేకతలు..

ఇంజిన్ అప్టేడ్ కాకుండా ఈ సరికొత్త స్పోర్ట్స్ బైక్ లో మరిన్ని ఫీచర్లు, ప్రత్యేకతలను అందుబాటులో ఉంచారు. ఎల్ఈడీ హెడ్ ల్యాంపులు, అప్డేటెడ్ 4.3-అంగుళాల టీఎప్టీ ఇన్ స్ట్రూమెంట్ క్లస్టర్, బ్లూటూత్ ద్వారా స్మార్ట్ ఫోన్ కనెక్టివిటీ లాంటి ఫీచర్లు ఇందులో ఉన్నాయి. అంతేకాకుండా కవాసాకి జెడ్900 బీఎస్6 మోటార్ సైకిల్లో నాలుగు రైడింగ్ మోడ్లు ఉన్నాయి. రోడ్, రెయిన్, మ్యానువల్, స్పోర్ట్ మోడ్ ల్లో మనం డ్రైవింగ్ చేసుకోవచ్చు. డన్ లోప్ స్పోర్ట్స్ మ్యాక్స్ రోడ్ స్పోర్ట్ టైర్లను కలిగి ఉన్న మెరుగైన సస్పెన్షన్ సెటప్ ను ఇది కలిగి ఉంది.

రెండు కలర్స్ లో లభ్యం..

అంతేకాకుండా బ్రేకింగ్ సెటప్ దగ్గరకొస్తే ముందు భాగంలో 41 ఎంఎం ఇన్వెర్టెడ్ ఫోర్కులు, వెనక భాగంలో మోనోషాక్ సెటప్ తో రెండు ఫుల్లీ అడ్జస్టబుల్ ను కలిగి ఉంది. అంతేకాకుండా 300 ఎంఎం డిస్క్ బ్రేకు ముందు భాగంలో కలిగి ఉండగా.. 250 ఎంఎం సింగిల్ డిస్క్ బ్రేక్ వెనక భాగంలో ఉంది. అంతేకాకుండా డ్యూయల్ ఛానెల్ ఏబీఎస్ వ్యవస్థను ఇందులో ఉంది. ఈ మోటార్ సైకిల్ 212 కేజీల బరువును కలిగి ఉండి 17-లీటర్ల సామర్థ్యం కలిగి ఇంధన ట్యాంకును కలిగి ఉంది. మెటాలిక్ గ్రాఫైట్ గ్రే, క్యాండి లైమ్ గ్రీన్ కలర్స్ లో ఇది లభ్యమవుతుంది. ఇప్పటికే బుకింగ్స్ ప్రారంభమవగా త్వరలో డెలివరీలు ప్రారంభించనుందీ సంస్థ. భారత మార్కెట్లో ఈ బైక్ కు పోటీగా ట్రైంఫ్ స్ట్రీట్ ట్రిపుల్, కేటీఎం 790 డ్యూక్, బీఎండబ్ల్యూ ఎఫ్900 లాంటి బైక్స్ ఉన్నాయి.

Source: https://telugu.samayam.com/automobile/bikes/kawasaki-z900-bs6-launched-in-india/articleshow/78019812.cms

Leave Your Comment