logo

header-ad
header-ad

లైసెన్స్ అక్కరలేని ఎలక్ట్రిక్ బైక్ వచ్చింది..

హైదరాబాద్ కు చెందిన ఆటోమొబైల్ స్టార్టప్ ఆటూమొబైల్ ప్రవేట్ లిమిటెడ్ సంస్థ సరికొత్త విద్యుత్ బైక్ ను లాంచ్ చేసింది.

ఆటూమ్ 1.0 ఎలక్ట్రిక్ కేఫ్ రేసర్ అనే ఈ బైక్ ధర వచ్చేసి రూ.50,000. దీనికి రిజిస్ట్రేషన్, లైసెన్స్ కూడా అక్కర లేదని సంస్థ తెలిపింది.

ఆటూమ్ 1.0 విద్యుత్ బైక్

ప్రస్తుతం విద్యుత్ వాహనాలకు డిమాండ్ ఎక్కువగా పెరుగుతుంది. వాహన సంస్థలు కూడా వీటి ఉత్పత్తిని పెంచేస్తున్నాయి. తాజాగా హైదరాబాద్ కు చెందిన విద్యుత్ వాహన సంస్థ ఆటుమొబైల్ ప్రైవేట్ లిమిటెడ్ సరికొత్త ఎలక్ట్రిక్ మోటార్ సైకిల్ ను లాంచ్ చేసింది. అదే ఆటూమ్ 1.0 ఎలక్ట్రిక్ కేఫ్ రేసర్. ఎక్స్ షోరూంలో ఈ ఎలక్ట్రిక్ బైక్ ప్రారంభ ధర వచ్చేసి రూ.50,000 లుగా సంస్థ నిర్దేశించింది.

ఈ కొత్త తరం ఎలక్ట్రిక్ కేఫ్ రేస్ చూసేందుకు స్టైల్ గా ఉండి బైక్ ప్రియులను ఆకట్టుకుంటోంది. దేశవ్యాప్తంగా ఉన్న ఆటోమొబైల్ ఆన్ లైన్ పోర్టల్ ఈ మోటార్ సైకిల్ అందుబాటులో ఉంటుంది. పోర్టబుల్ లిథియం అయాన్ బ్యాటరీ బ్యాక్ ను కలిగి ఉంది. ఫలితంగా దీన్ని 4 గంటల్లోనే పూర్తిగా ఛార్జింగ్ ఎక్కించుకోవచ్చు. అంతేకాకుండా ఈ ఆటూమ్ 1.0 ఎలక్ట్రిక్ కేఫ్ రేసర్ బైక్ కు ఒక్కసారి ఛార్జింగ్ పెట్టామంటే 100 కిలోమీటర్ల వరకు ప్రయాణించవచ్చు.

ఈ మోటార్ సైకిల్ కు 2 సంవత్సరాల బ్యాటరీ వారంటీ ఇచ్చింది సంస్థ. వాహనానికి సంబంధించి ఉపయోగించిన విడిభాగాలకు కూడా ఈ వారంటీ వర్తిస్తుంది. ఈ మోటార్ సైకిల్ కు రిజిస్ట్రేషన్ కూడా అవసరముండదు. డ్రైవింగ్ లైసెన్సు కూడా అక్కరలేకపోవండ ఇందులోని మరో అదనపు ప్రయోజనం. 18 ఏళ్ల లోపు కూడా దీన్ని ఉపయోగించుకోవచ్చు.

మూడు సంవత్సరాల కృషి, పట్టుదలకు ఈ మోటార్ సైకిల్ సంకేతమని కంపెనీ స్థాపకుడు వంశీ గడ్డం తెలిపారు. ఆటూమ్ 1.0 మోటార్ సైకిల్ ను లాంచ్ చేయడం ఎంతో గర్వంగా ఉందని ఆయన అన్నారు. భారత్ ను సుస్థిర పర్యవరణహితంగా మార్చడంలో ఆటూమ్ 1.0 ఓ ముఖ్యమైన మైలురాయి అని తాము నమ్మతున్నట్లు ఆయన అన్నారు.

ఆటూమ్ 1.0 ఎలక్ట్రిక్ కేఫ్ రేసర్ పోర్టబుల్ బరువు తక్కువగా ఉంటుంది. దీని బ్యాటరీ బరువు 6 కేజీలు. ఛార్జింగ్ కోసం ఓ యూనిట్ విద్యుత్ ను వాడుకుంటుంది. అంటే 100 కిలోమీటర్లకు 7 రూపాయల నుంచి 10 రూపాయలు మాత్రమే ఖర్చవుతుంది. అదే సాధారణ కమ్యూటర్ బైక్స్ తో పోలిస్తే(100 కిలోమీటర్లకు 80 నుంచి 100 రూపాయలు) ఇది ఎంతో తక్కువ.

Source: https://telugu.samayam.com/automobile/bikes/electric-bike-atum-1-0-launch-and-you-know-the-price/articleshow/77907682.cms

Leave Your Comment