logo

header-ad
header-ad

కొత్త పాస్‌వర్డ్ పెడుతున్నారా? ..ఈ 10 తప్పులు చేయకండి!

సాధారణంగా మనం కొత్త పాస్ వర్డ్ పెట్టేటప్పుడు ఎన్నో తప్పులు చేస్తూ ఉంటాం. మనం కామన్ గా చేసే 10 తప్పులు ఇవే. కాబట్టి కొత్త పాస్ వర్డ్ ఎంచుకునేటప్పుడు ఈ 10 తప్పులు అస్సలు చేయకండి.

Password

సాధారణంగా మనం విలువైన వస్తువులను ఇంట్లో పెట్టే చోట వాటికి గట్టి తాళం వేస్తాం. వాటికి తాళం రక్షణ ఎలాగో, సోషల్ మీడియా, బ్యాంకింగ్, ఈ-కామర్స్ యాప్స్‌లో ఉండే సమాచారానికి పాస్ వర్డ్‌లు అలా. కాబట్టి ఇంటికి గట్టి తాళం ఎలా వేస్తామో.. పాస్ వర్డ్ లు కూడా అలాగే బలంగా పెట్టుకోవాలి. కుదిరితే ఓటీపీలతో లాగిన్ అయ్యేలా, బయోమెట్రిక్ లాక్ లు కూడా ఎనేబుల్ చేసి పెట్టుకోవాలి. అయితే పాస్ వర్డ్ లు పెట్టుకునేటప్పుడు మనం తెలిసో, తెలియకో కొన్ని తప్పులు చేస్తాం. పాస్ వర్డ్ పెట్టుకునేటప్పుడు మీరు చేయకూడని 10 తప్పులు ఇవే.

1. ఒకే పాస్ వర్డ్ ఉపయోగించకూడదు

మనలో కొంతమంది మర్చిపోతామనే ఉద్దేశంతో అన్ని సేవలకూ ఒకే పాస్ వర్డ్ ను ఉపయోగిస్తూ ఉంటాం. అది మంచి పద్ధతి కాదు. వేర్వేరు యాప్స్, సర్వీస్ లకు వేర్వేరు పాస్ వర్డ్ లను ఉపయోగించాలి.

2. పాత పాస్ వర్డ్‌లను ఉపయోగించకండి

ఏదైన సోషల్ నెట్ వర్క్ లేదా బ్యాంకులో ఒక ఖాతా తొలగించి మరో కొత్త ఖాతా క్రియేట్ చేసుకునేటప్పుడు పాత ఖాతా పాస్ వర్డ్ ను మళ్లీ ఉపయోగించకండి. ఎందుకంటే ఇలా ఎక్స్ పైర్ అయిపోయిన, లేదా తొలగించిన ఖాతాల పాస్ వర్డ్ లను డార్క్ వెబ్ లో విక్రయిస్తూ ఉంటారు.

3. పాస్ వర్డ్ లు సేవ్ చేసుకోకండి

కొంతమంది తమ పాస్ వర్డ్‌లను జీమెయిల్, గూగుల్ డాక్స్ వంటి వాటిలో సేవ్ చేసుకుంటూ ఉంటారు. అయితే అది మంచి పద్ధతి కాదు. పొరపాటున దాని పాస్ వర్డ్ పోయినా, ఎవరి చేతిలోకి అయినా వెళ్లినా మీ అన్ని పాస్ వర్డ్ లూ ప్రమాదంలో ఉన్నట్లే.

4. బ్రౌజర్లలో కూడా సేవ్ చేయకండి

గూగుల్ క్రోమ్ లేదా ఇతర బ్రౌజర్లలో మనం ఏవైనా వెబ్ సైట్లలో లాగిన్ అయితే పాస్ వర్డ్ లు సేవ్ చేయాల్సిందిగా అడుగుతుంది. అప్పుడు మీరు వాటిని సేవ్ చేయకండి. ఎందుకంటే మీ డివైస్ లో ఎవరైనా ఆ బ్రౌజర్ ను ఉపయోగిస్తే మీ పాస్ వర్డ్ వారికి తెలిసిపోయే ప్రమాదం ఉంది.

5. 2-ఫ్యాక్టర్ ఆథెంటికేషన్ ఉంచుకోండి

హ్యాకర్ల నుంచి మీ ఖాతాను కాపాడుకోవడానికి ఇది ఉపయోగపడుతుంది.

6. పుట్టినరోజులు, వార్షికోత్సవాలు, ముఖ్యతేదీలు వంటివి పెట్టకండి

ముఖ్యమైన తేదీలు కూడా ఇలా పెట్టుకోకండి. ఉదాహరణకు మీ పుట్టినరోజు మార్చి 12వ తేదీ అయితే.. 1203 లేదా 0312 వంటివి పాస్ వర్డ్ లు పెట్టుకోకండి.

7. పేర్లను కూడా పాస్ వర్డ్ లుగా పెట్టుకోకండి

కార్లు, ప్లేన్లు, ప్రముఖులు, స్నేహితుల పేర్లను పాస్ వర్డ్ లుగా ఉపయోగించకండి. హ్యాకర్లను మొదటగా ఉపయోగించేది ఇటువంటి పేర్లనే.

8. ఫోన్ నంబర్లను ఉపయోగించకండి

సాధారణంగా ఎంతో మంది తమ ఫోన్ నంబర్లను పాస్ వర్డ్ లుగా ఉపయోగిస్తారు. పాస్ వర్డ్ లు పెట్టేటప్పుడు ఫోన్ నంబర్లను ఉపయోగించడం కూడా పెద్ద తప్పు,

9. పాస్ వర్డ్ లు మారుస్తూ ఉండండి

మీ పాస్ వర్డ్ లు ఎప్పుడూ మారుస్తూ ఉండాలి. లేకపోతే మీ అకౌంట్ హ్యక్ అయ్యే ప్రమాదం ఉంది.

10. ఆధార్ కార్డ్ నంబర్ కూడా ఉపయోగించకండి

మనం పాస్ వర్డ్ పెట్టేటప్పుడు చేసే అతి పెద్ద తప్పు ఇదే. ఆధార్ నంబర్, పాన్ నంబర్, ప్రభుత్వ ధ్రువీకరణ పత్రాల సంఖ్యలు పెట్టకండి.

Source: https://telugu.samayam.com/tech/tips-tricks/these-are-the-10-mistakes-you-should-not-do-while-choosing-the-new-password/articleshow/78108361.cms

Leave Your Comment